BrazilBrasilía - ÚRSLIT

 

Lokaniðurstöður

 

W32/KRiZÞá er það orðið ljóst að þrátt fyrir að Hamilton, liðsmaður W32/KRiZ fengi engin stig á lokamótinu að þá tókst W32/KRiZ að halda efsta sætinu í Úrvalsriðlinum og vinna F1 leik Dauðaspaðans 2011.

 

Til hamingju Kriz með að endurheimta 1. sætið. Kriz vann sem sé debut árið sitt 2009. Glæsilegur árangur Kriz.

 

Ég viðurkenni vel fyrstur manna að leikurinn í ár var frekar boring og lítil spenna í honum. Mesta spennan var fólgin í því í hvaða sæti maður var dregin í upphafi riðla sem gerði þetta tímabil að stóru heppnistímabili án þess að ég sé að taka gleðina frá Kriz.

 

Ég mun koma með glænýjar reglur að ári þar sem þetta verður þá vonandi mun meira spennandi og skemmtilegra og vona að þið verðið öll með.

 

Nú best að koma með skemmtilega tölfræði í lokin. Ekki gleyma að kíkja á lokastöðuna.

 

Flest stig skoruð í heildina:

 

W32/KRiZ 470
Force Skoda-Lada F1 469
Hawks 440
Uno 430
Ignis 421
Letistrumpar 407
Rock Lobster 404
RAX 398
Laukmauk 396
Michael Bolton Maniacs 384
Ofurölvi 384
Gummy Bears 376

 

Flest stig skoruð í einstöku móti:

 

  • Force Skoda og Ignis - 128 stig
  • Gummy Bears og Uno - 123 stig

 

Fæst stig skoruð í einstöku móti:

 

  • Ofurölvi - 47 stig
  • Ignis - 48 stig
  • Ofurölvi - 50 stig

 

 

28.11.2011

 

 

Abu DhabiAbu Dhabi - Allt í járnum

 

Eitt mót eftir.

 

Já það er ekki hægt að segja annað en að þetta verði spennandi lokamót. Allir riðlar orðnir ótrúlega jafnir eftir að Vettel datt út í fyrsta hring í Abu Dhabi.

 

Force Skoda datt úr efsta sætinu í það neðsta í Úrvalsriðlinum og er þar með 41 stig. Þar fyrir ofan í 3ja sæti er Lobsterinn með 43 stig. Svo er Ignis í öðru sæti með 49 stig og W32/KRiZ efstur með 55 stig. Það eru því ekki nema 14 stig sem skilja að efsta og neðsta mann í úrslitariðlinum.

 

Miðriðillinn og botnriðillin eru í svipuðum málum. Allat ræðst á lokamótinu.

 

Það verður því gífurleg spenna á sunnudaginn 27. nóv og væri ekki tilvalið að hittast og horfa á seinasta mót tímabilsins saman þar sem það er á kristilegum tíma eða klukkan 16:00?

 

Kíkið á stöðuna.

 

15.11.2011

 

 

IndiaIndland - Úrslitariðlar

 

Fer að líða að lokum.

 

Spennan er þónokkur í úrsvalsriðlinum sem og hinum.

 

Force Skoda situr nú í efsta sætinu með 5 stiga forskot á Ignis. Þar á eftir koma svo W32/KRiZ og Rock Lobster.

 

Tvö mót eru nú eftir og enn getur allt gerst, en líklegt að það dragi til tíðinda í næsta móti.

 

M. B. Maniacs sitja á botninum eins og er. Massa var ekki að standa sig fyrir sín lið.

 

Kíkið á stöðuna.

 

03.11.2011

 

KoreaKórea - lokamót D riðils

 

Og nú eru RedBull búnir að landa titli bílasmiða.

 

Þá er það ljóst hverjir það eru sem komust í úrslitariðilinn. Force Skoda-Lada F1, W32/KRiZ, Ignis og Rock Lobster.

 

Liðin sem eru í miðriðli eru Uno, Hawks, Letistrumpar og RAX.

 

Og liðin í neðsta riðli eru Gummy Bears, Ofurölvi, Michael Bolton Manics og Laukmauk.

 

Nú þurfa þessi lið að velja sér þá röð sem það vill velja í. Þannig hefur Force Skoda fyrsta val í úrvalsriðlinum og byrjar á að velja sér hvar í röðinni þeir vilja vera .egar sjálft valið fer fram á ökumönnum.

 

Þau lið sem enduðu með jafn mörg stig var raðað eftir hæsta skori í undangengnum riðlum. Þannig voru Ignis og Rock Lobster bæði með 15 stig í lokin en þar sem Ignis náði hærra lokaskori í einstökum riðli,128 stig á móti 109 stigum Lobstersins að þá varð Ignis í 3. sæti og Rock Lobster í því 4.

 

 

Kíkið á stöðuna.

 

16.10.2011

 

 

JapanJapan - 3. mót D riðils

 

Vettel orðinn heimsmeistari og enn 4 mót eftir.

 

Það var lítið um breytingar á stöðunni nema sú merkilega staðreynd að Uno er efstur í sínum riðli og mun því enda nr. 5 í heildina ef ekket breytist.

 

Það verður að segjast að það eru litlar líkur á því að staðan breytist úr þessu. Þetta virðist allt raðast þannig að það þarf eitthvað stórfenglegt að gerast til að top 4 breytist úr þessu.

 

Það er því líklegast að þessi lið verði í úrslitum: Force Skoda, W32/KRiZ, Rock Lobster og Ignis.

 

Næsta mót er eftir viku svo ekki lengi að bíða eftir því að fá það staðfest.

 

Kíkið á stöðuna.

 

09.10.2011

 

 

SingaporeSingapore - 2. mót D riðils

 

Lítil breyting á stöðunni - enn mjög hörð barátta um 4. sætið

 

Það er nú lítið að segja frá nema Sjúmmi datt út og var því sá eini af þeim ökumönnum sem við völdum sem gaf 0 stig.

 

Þannig að staðan er núna þannig að Ignis mundi ná seinasta sætinu í úrslitariðilinn. Spennan er enn bara um þetta 4. sæti.

 

Ef einhverjir af þeim bestu detta ekki út úr tveim næstu mótum þá er ekki von á mikilli breytingu á stöðunni eins og hún er núna.

 

Kíkið á stöðuna.

 

26.09.2011

 

ItalyÍtalía - 1. mót D riðils

 

Hörð barátta um 4. sætið

 

Vettel er bara fáránlegur og það getur enginn snert manninn. Þetta er að verða eins og þegar Sjúmmi rúlaði öllu og skemmdi spennuna við F1.

 

Gummy Bears er í fyrsta skipti á toppi síns riðils, en hann á þó ekki séns á að komast í úrvalsriðilinn en hann er aldeilis að gera hinum lífið leitt í riðlinum, og þá sérstaklega Laukmauk og RAX sem berjast um 4. sætið.

 

Hawks er í efsta sæti í sínum riðli eins og er og er þar af leiðandi seinasta liðið inn í úrvalsriðilinn ef ekkert breytist. En margt á eftir að breytast. Webber og Rosberg eiga alveg eftir að fá stig en þeir fengu báðir 0 stig í þessu móti.

 

Force SKoda og W32/KRiZ eru jafnir á toppnum með 17 stig og því mikil barátta um efsta sætið, en þess má geta að ef lið eru jöfn að stigum í lokin að þá er það það lið sem skorað hefur hæst í einstökum riðli sem endar ofar og það lið sem endar efst fær fyrst að velja í hvaða sæti það vill velja sína ökumenn í úrvalsriðlinum og svo koll af kolli.

 

 

Kíkið á stöðuna.

 

12.09.2011

 

Liðin komin upp

 

Nú getið þið séð hvernig þið völdið í liðin ykkar með því að smella á 1D, 2D og 3D hér vinstra megin.

 

06.09.2011

 

Dregið í D riðla

 

Baráttan um 4 og seinasta sætið í úrslitariðilinn er mikið. Sjáið hér dráttinn í riðlana:

 

 

 

 

BelgiumBelgía - 4. mót C riðils

 

Og enn tapa liðin sem dregin voru nr. 2

 

Þetta mót var ótrúlega spennandi og skiptust ökumenn um á að leiða mótið. Eitt skemmtilegasta mót ársins. Hamilton datt út en þrátt fyrir að hann fengi 0 stig í þessu móti þá skoruðu W32/KRiZ og Ofurölvi 119 stig sem er það næst mesta á tímabilinu.

 

Sá sem hefur skorað meira er Force Skoda en hann skoraði 128 stig með Webber og Alonso í sínu liði. Force Skoda er því eina liðið sem er öruggt komið í úrslitariðilinn. Rock Lobster og W32/KRiZ standa einnig nokkuð vel, svo það má segja að baráttan um að komast í úrslitariðilinn sé á milli alla hinna liðanna (fyrir utan Gummy Bears - sorry).

 

Dregið verður í riðla innan skamms. Engin vill lenda nr. 2 í útdrættinum í sínum riðli. Þau lið sem hafa nú þegar lennt tvisvar nr. 2 í riðlum og geta því ekki lennt þar aftur eru: Gummy Bears og Ofurölvi.

 

Aðrir sem ekki geta verið dregnir í sæti eru: Sæti 1: Force Skoda, Laukmauk og RAX. Sæti 3: Letistrumpar og Uno. Sæti 4: Rock Lobster og W32/KRiZ

 

Að vera dregin nr. 4 er nánast ávísun á sigur miðað við fyrri mót. Alls hafa þau lið sem hafa verið dregin nr. 4 unnið í 7 tilvikum. Einu sinni ef lið hefur verið dregið nr. 1 og einu sinni nr. 3. Lið sem dregið er nr. 2 hefur alltaf tapað.

 

Það er því ljóst að þessar reglur eru ekki til að hrópa húrra fyrir þar sem dráttur í riðla skiptir eiginlega öllu máli.

 

En svona er þetta út tímabilið enda bara einn venjulegur riðill eftir fyrir úrslitarimmuna.

 

Kíkið á stöðuna.

 

 

29.08.2011

 

HungaryUngverjaland - 3. mót C riðils

 

Annað lið í riðladráttum komin á botnin

 

Þetta var enn eitt spennumótið. Gaman að sjá að það virðist ætla að verða spenna í F1 svona á seinni hluta tímabilsins. Allavega margir sem munu berjast um annað sætið.

 

Þær stöðubreytingar urðu í leiknum okkar að Hawks féllu úr þriðja sætinu í það fjórða 1C og Gummy Bears eru jafnir RAX á botninum í 2C en þar sem RAX hefur skorað fleiri stig í einstöku móti í þeim riðli að þá mundi RAX fá 2 stig og Gummy Bears 1 stig. Staðan í riðlunum er því orðin sú að neðstu liðin eru enn og aftur þau sem voru dregin nr. 2 í riðlaútdrætti. Klárlega dauðasætið, en þó er eitt mót eftir í C-riðlum.

 

RAX er því búið að koma sér í 4 sætið í aðalkeppninni ef riðlarnir enda svona, en 2C riðillinn er mjög jafn í 3 neðstu sætunum og 3C jafn í 2 neðstu og 1C einnig nokkuð jafn í 3 neðstu. Það getur því allt gerst enn.

 

Ég hef sett inn eina nýja breytingu á reglunum og hefur það einmitt með sætið í útdrættinum að gera. Reglan hljómar núna svona: Ef viðkomandi lið er dregið í sama sæti og það hefur verið í tvisvar áður verður dregið að nýju í þann riðil.

Þetta þýðir að lið getur einungis lennt tvisvar í sama sætinu í riðlakeppninni. Þetta á ekki við um lokariðlana.

 

Kíkið á stöðuna.

 

 

02.08.2011

 

GermanyÞýskaland - 2. mót C riðils

 

Spenna í 2C

 

Þetta mót var mjög skemmtilegt og gátu hver sem er af þessum þrem efstu unnið, Hamilton, Alonso og Webber. Hamilton hafði það hins vegar því miður :) En þó gott að Vettel er ekki alltaf að vinna. Gaman að sjá hvernig menn (og kona) velja í næsta riðil sem er þó ekki strax.

 

Engin breyting var á stöðunum í riðlunum en í riðli 2C er ekki nema 3 stig á milli 2. og 3. sætis svo þar verður hörð barátta um það sæti.

 

Button er búinn að gera mönnum lífið leitt þar sem hann er með 0 stig eftir seinustu 2 mót og því þau lið sem eru með hann eru neðst í sínum riðlum (Rock Lobster, RAX og Laukmauk).

 

Nú staðan í heildarmótinu er enn sú sama. Næsta mót er bara eftir nokkra daga og því stutt í næsta yfirlit sem ég mun setja upp eins fljótt og hægt er eftir mót.

 

Kíkið á stöðuna.

 

 

25.07.2011

 

 

EnglandSilverstone - 1. mót C riðils

 

Þetta verður bara jafnara

 

Mótið var hin besta skemmtun. Hálf brautin var þurr og hálf blaut í byrjun sem gerði þetta erfitt fyrir ökumenn. Menn Vettels gerðu svo mistök í pitti sem varð til þess að Alonso fór framúr honum. Svo var ótrúleg spenna á lokahringnum hvort Webber næði fram úr Vettel og hvort Massa næði fram úr Hamilton, en hvorugum tókst ætlunarverkið.

 

Ofurölvi vann sitt fyrsta mót og er ekki lengur í neðsta sæti í heildarskori (ef riðillinn endar svona).

 

Force Skoda verður með 16 stig ef riðlarnir enda svona. Rock Lobster (sem hefur verið með fullt hús hingað til) verður með 13 stig ásamt W32/KRiZ.

 

Þar fyrir neðan er svo mjög jafnt því 8 lið eru með 8-10 stig og því hörð barátta um 4. sætið eða seinasta sæti í úrvalsriðilinn.

 

Kíkið á stöðuna.

 

 

11.07.2011

 

Dráttur í C riðla

 

Það þarf nú varla að skrifa neitt hér úr því það er þetta líka snilldar video

 

 

26.06.2011

 

 

EuropeEvrópa - 4. mót B riðils

 

Uppgjör á B riðli

 

Annað mótið í röð sem ég næ ekki alveg að horfa á með heilum hug vegna undirbúnings fyrir barnaafmæli, en mótið fór nú samt fram þrátt fyrir það.

 

Nú þetta var 4. og seinasta mót B riðla og því ljóst hvaða lið taka 6 stig með sér í aðalkeppnina.

 

Force Skoda, W32/KRiZ og Rock Lobster unnu sína riðla. Tæpt var það og þá sérstaklega í 3B riðlinum því þar vann Force Skoda Michael Bolton Maniacs með einungis 2 stigum. Í hinum riðlunum munaði 6 stigum en það munaði einmitt 6 stigum í öllum A riðlunum.

 

Þess má geta að í 1B og 2B riðlinum þá unnu þau lið sem áttu seinasta valrétt eða voru dregin nr. 4 í útdrættinum. Í 3B riðlinum var það hins vegar liðið sem átti fyrsta valrétt sem vann. Í öllum tilvikum voru það liðin sem voru dregin fyrst og seinast sem slógust um tvö efstu sætin. Liðið sem dregir var nr. 2 tapaði í öllum tilvikum.

 

Í heildarkeppninni stendur því Rock Lobster nokkuð vel því hann hefur unnið báða sína riðla og er með 12 stig. Force Skoda er þar á eftir með 10 stig og svo koma Hawks, Laukmauk og RAX með 8 stig. Sjá nánar uppfærða stöðu hér: Staða.

 

 

26.06.2011

 

 

CanadaCanada - 3. mót B riðils

 

Rigningamótið mikla

 

Ég missti nú af megninu af þessu móti en skilst að það hafi staðið yfir í ca. 4 klukkutíma vegna úrhellis. Mótið var stöðvað í 2 tíma og hélt svo áfram.

 

Hamilton og Alonso duttu báðir út og fengu því 0 stig.

 

Einu breytingarnar frá því á seinasta móti voru þær að Hawks fór uppyfir Ofurölva í riðli 1B og eru þar með í 3. sæti í þeim riðli og munu því ef staðan endar svona eftir næsta mót vera í 2. sæti með Laukmauk, Force Skoda og RAX með 8 stig. Rock Lobster mundu enn vera efstir með 12 stig.

 

Ofurölvi mundi reka lestina með einungis 2 stig og því nauðsynlegt fyrir þá að næla sér í eitt stig í viðbót.

 

Annars að þá er þetta nokkuð jafnt í tveim efstu sætunum í öllum riðlum og því spennandi mót eftir tæpar tvær vikur.

 

Smellið á riðlana hér vinstra megin til að sjá stöðu í riðlum og smellið á Staða hér uppi til að sjá stöðuna.

 

 

14.06.2011

 

 

MonacoMonaco - 2. mót B riðils

 

Massa, Rosberg og Petrov fengu allir 0 stig

 

Sú staðreynd að Massa, Rosberg og Petrov fengu allir 0 stig höfðu sitt að segja í leiknum okkar.

 

Ef þið sáuð mótið þá eruð þið væntanlega sammála mér að Hamilton hefði nánast átt að vera dæmdur úr keppni þar sem honum tókst að keyra tvo menn út úr keppninni og einn þeirra var Massa... minn maður. Skamm Hamilton. Hann fékk þó bara 20 sekúndna refsingu fyrir seinna brotið en það var ekki nóg til að lækka hann um sæti. (Fékk Drive Through Penalty fyrir fyrra brotið).

 

Rock Lobster, W32/KRiZ og Michael Bolton Maniacs hafa tekið forystu í sínum riðlum þar sem þeir voru einu liðin sem fengu stig fyrir báða sína ökumenn.

 

Staðan í heildarleiknum er því þannig ef staðan verður svona í lok riðils að Rock Lobster verður einn með yfirburða stöðu eða 12 stig. Laukmauk, Force Skoda og RAX saman í 2-4 sæti.

 

Smellið á riðlana hér vinstra megin til að sjá stöðu í riðlum og smellið á Staða hér uppi til að sjá stöðuna.

 

 

31.05.2011

 

SpainSpánn - 1. mót B riðla búið

 

Sjúmmi fékk stig en engin valdi hann

 

Massa og Petrov fengu engin stig í þessu móti og það kostar sitt í leiknum okkar. 2 lið í öllum riðlum fengu 25 stig og eru þar með saman í efsta sæti.

 

Í riðlum 2B og 3B eru svo liðin í 3-4 sæti með saman með 18 stig. Hawks skoraði því minnst af öllum liðum í þessari umferð eða einungis 12 stig (það er auðvitað pínu svindl).

 

Engin þorði að velja Sjúmma og völdu lið Rosberg og Petrov frekar en Sjúmma, en það hefði borgað sig að taka Sjúmma því hann náði sér í 8 stig.

 

Ég ákvað að setja stöðuna á stigasíðuna þannig að hún miðist við núverandi stöðu. Þ.e. ef að riðillinn væri búinn núna að þá væri staðan í heildarleiknum eins og sjá má á síðunni. Svona eiginlegt Live Score system.

 

Smellið á riðlana hér vinstra megin til að sjá stöðu í riðlum og smellið á Staða hér uppi til að sjá stöðuna.

 

 

24.05.2011

 

B riðlar klárir

 

Liðin ekki ALVEG EINS og seinast

 

Þá eru öll lið búin að velja sína ökumenn. Riðlarnir eru ekki allir nákvæmlega eins og í A hluta en þó eru seinustu liðin öll eins með Alonso og Button.

 

Vettel valdist tvisvar með Petrov og einu sinni með Massa. Hamilton er með Rosberg, Massa og Petrov eða aldrei þeim sama og Webber er tvisvar með Rosberg og einu sinni með Massa.

 

Spennan er gífurleg :)

 

Smellið á riðlana hér vinstra megin til að sjá riðlana.

 

 

17.05.2011

 

Dráttur í B riðla

 

Ekki svo bein útsending frá drætti í B riðla

 

 

 

10.05.2011

 

TurkeyTyrkland

 

Seinasta mótið í A-riðlum

 

Tyrkneska mótið var mjög spennandi fyrir þá sakir að í okkar leik þá var svo mjótt á milli 1. og 2. sætis að það mátti ekkert gerast óvænt til að úrslitin hefðu orðið önnur. Ég var með stöðuna á lofti og með hjartað í buxunum :)

En Vettel kom sá og sigraði eina ferðina enn. En þar sem Sjúmmi er ekki að hjálpa honum neitt fyrir þau lið sem hafa Vettel að þá náði þeir ekki að taka fyrsta sætið.

Það voru því McLaren liðin sem unnu sína riðla með 105 stig á móti 99 stigum þeirra í öðru sæti. Munurinn er því aðeins 6 stig sem verður að teljast mjög lítið miðað við að stigin fóru yfir 100.

Nú er því fyrsta hluta lokið, A riðlum, og þau lið sem unnu fá 6 stig, liðin í öðru sæti 4 stig, þriðja sæti 2 stig og seinasta sæti 1 stig. Sjá nánar hér: Staðan.

Næst á dagskrá er því dráttur í nýja riðla og mun það verða gert mjög fljótlega og allt í óbeinni útsendingu eins og beðið var um :)

 

08.05.2011

 

ChinaKína

 

Ótrúlegar sviptingar í þessu móti

 

Já það er ekki hægt að segja að mótið hafi verið leiðinlegt. Mikið um frammúrakstra og mismunandi pit-stop strategíur.

 

Ofuölvi ákvað að nýta sér WildCardið fyrirþetta mót og henti Rosberg og fékk sér Heidfeld. Hann hefði betur látið það ógert þar sem Rosberg fékk 10 stig en Heidfeld engin. En þetta var áhætta sem Ofurölvi tók en misheppnaðist því miður fyrir hann.

 

Það er núna 11 stiga munur á fyrstu sætunum og þeim í öðru sæti svo það er nú ekki beint mikið og ljóst að úrslit ráðast ekki í riðlunum fyrr en eftir 3 vikur þegar næsta mót fer fram.

 

Einnig getur 3. sætið strítt öðru sæti og 4. sætið jafnvel strítt 3. sæti (nema þá kannski Ofurölvi).

 

Nú hefur Schumacher skorað fæst stig af þeim sem valdir eru í lið hjá okkur eða bara 6 stig. Vettel er með flest stig eða 68 stig. Þessir tveir eru saman í liðið í öllum riðlum í leiknum okkar :)

 

Næsta mót verður 8. maí.

 

17.04.2011

 

WildCard - Ofurölvi1. WildCard tímabilsins

 

Ofurölvi notar WildCard

 

Þið sem fylgist vel með að þá er leyfilegt einu sinni á tímabilinu að nota WildCard til að henda út ökumanni sem þið viljið ekki lengur hafa og næla ykkur í einhvern sem er kannski að gera betri hluti (sjá reglur).

 

Ofuölvi ákvað að nýta sér þetta eftir að Rosberg hefur ekki nælt í eitt einasta stig fyrir liðið í fyrstu tveim mótum ársins. Heidfeld hugsanlega færir Ofurölva fleiri stig.

 

Það kemur svo í ljós hvort Ofurölva takist að skríða upp úr neðsta sætinu og þar með gert stórkostleg skipti eða hvort þetta var algjört flopp hjá honum :)

 

Hægt verður að sjá á liðasíðunni hverjir eru búnir að nýta sér WildCardið.

 

14.04.2011

 

MalaysiaMalasía

 

Vettel enn með yfirburði

Já Vettel ætlar að reynast erfiður viðureignar og því greinilega gott fyrir þá sem voru fyrstir að velja að velja einmitt hann.

 

Schumi komin á blað með 2 stig og þá er Rosberg sá eini sem á eftir að fá stig.

 

Staðan á toppnum í riðlunum er spennandi. Einungis 4 stig á milli tveggja efstu liða í riðlunum og liðin í 3ja sæti eiga enn ágætis möguleika á sigri.

 

Það verður þó að teljast ólíklegt að liðin í 4. sæti nái sér upp úr því, en Alonso er þar innanborðs svo við skulum ekki útiloka neitt strax.

 

Munið að kíkja á stöðusíðuna til að sjá hvernig liðin mundu fá stig miðað við að þetta yrði lokaniðurstaða eftir riðlana.

 

Kíkið svo einnig á stöðuna í riðlunum með því að smella á þá hér til hliðar. Er búinn að bæta við nokkrum gröfum.

 

Næsta mót verður 17. apríl.

 

ATH að ef þið viljið nýta ykkur WildCardið að þá þarf sú beiðni að berast fyrir kl. 23:59 á miðvikudaginn 13. apríl. Sjá nánar í reglunum.

 

11.04.2011

 

ÁstralíaÁstralía

 

1. mót ársins búið

Það var spennandi að fylgjast með 1. móti ársins. Greinilegt að dekkin hafa mikil áhrif og endast ekki eins lengi og í fyrra en þó endast þau lengur en látið var uppi fyrir mót.

 

Sauber ökuþórarnir voru dæmdir úr leik sem að þýðir fyrir okkur að Massa fær 6 stig í staðinn fyrir 2 stig.

 

Reglurnar í leiknum okkar verða þær að svo lengi sem leiðrétting á stig verði komin á heimasíðu F1 áður en næsta mót á eftir byrjar þá munum við einnig nota þær leiðréttingar. Ef t.d. að Vettel verður svo dæmdur til að missa öll sín stig seinustu 5 mót vegna einhvers að þá mun hann einungis missa sín stig úr því mót sem var að klárast í okkar leik, en ekki úr öllum hinum 4 þar undan.

 

McLaren liðin í leiknum okkar tóku forystu en eru þó einungis einu stigi fyrir ofan þau lið sem eru með Vettel.

 

Ég setti inn dálk á stöðusíðuna þar sem hægt er að sjá hvernig liðin fá stig miðað við að þetta yrði lokaniðurstaða eftir riðilinn. Svo má sjá stöðuna í riðlunum með því að smella á þá hér til hliðar ásamt grafi.

 

Næsta mót verður 10. apríl.

 

ATH að ef þið viljið nýta ykkur WildCardið að þá þarf sú beiðni að berast fyrir kl. 23:59 á miðvikudaginn 30. mars. Sjá nánar í reglunum.

 

27.03.2011

 

 

Ný síða

Já ég ákvað að hætta með Flash dótið svo Svenni gæti skoðað þetta í iPadinum sínum :D (já og kannski einfaldara að uppfæra líka)

 

En endilega lesa yfir reglurnar. Breytingar frá því sem áður var tilkynnt er að nú er Wildcard leyfilegt einu sinni á tímabilinu. Lesið nánar um það í Reglunum.

 

Staða í riðlum má sjá með því að smella á viðeigandi riðil hér vinstramegin.

Staðan í leiknum sjálfum má sjá efst undir Staðan. Þar breytist ekkert nema á 4 móta fresti.

 

Dráttur í riðla

Nú þeir sem misstu af þessum líka æsispennandi drætti sem var í óbeinni útsendingu á netinu geta horft á hann hér:

 

Merkilegt nokk að þá völdu allir riðlarnir eins. Þannig er ljóst að stigin verða nákvæmlega eins í þessum 3 riðlum. Eina undantekningin í valinu var þegar Ignis valdi Hamilton í staðinn fyrir Webber. Ignis sem var nr. 3 í riðlinum er því í raun eins og lið nr. 4 í hinum riðlunum :)

 

Frekari reglur

Nú best er að lesa nánar um allar reglur á reglu-síðunni. En þar sem þetta er gersamlega nýtt fyrirkomulag að þá megið þið alveg vera ófeimin við að koma með ábendingar um betrumbætur villur ofl.